Давлати Афғонистон аъзои гурдони Фотимиюнро, ки бештар ба хотири тангдастӣ ҷазби эътилофи шибҳинизомиёни шиъа дар Сурия шудаанд, нерӯҳои вафодор ба Эрон ва таҳдиде бар амнияти дохилӣ мебинад. Мақомоти Афғонистон муътақиданд Эрон артише махфӣ аз шиъиёни ҳазора дуруст карда, то бо хурӯҷи Омрико дар ин кишвар фаъол шавад. Яке аз ин сарбозон мегӯяд Сипоҳи Посдорон дар ҷанги ниёбатии Сурия аз онҳо ба унвони нерӯҳои фидоӣ истифода мекарда ва ҳоло бо бозгашт ба Афғонистон вазъияти зиндагӣ ва маъишатии онҳо бадтар аз қабл шудааст.
Яке аз мақомоти аршади Вазорати кишвари Афғонистон, ки ба бахши иттилоъотии давлат наздик аст ва моил ба фош шудани номаш нест, мегӯяд, ҳудудан 10 ҳазор сарбози ин гурдон ба Афғонистон бозгаштаанд.
Фотимиюн ва таҳдиди амнияти дохилии Афғонистон
Бо ин вуҷуд дар хона ҳама ба дидаи шакку тардид ба онҳо нигоҳ мекунанд. Мақомоти амниятии Афғонистон муътақиданд Эрон ҳамчунон онҳоро сарпарастӣ ва идора мекунад ва онҳо ин бор ба унвони як артиши махфӣ барои густариши нуфузи Теҳрон дар даргириҳои идомадори Афғонистон фаъолият мекунанд.
Ҷангҷӯёни афғонистонӣ, ки аз Сурия бозгаштаанд, аз ҷиҳоти мухталиф таҳдид мешаванд. Онҳо бо хатари боздошт тавассути нерӯҳои иттилоъотии Афғонистон, ки ба онҳо ба чашми хоин нигоҳ мекунанд, рӯбарӯ ҳастанд. Ҳамчунин, мумкин аст бо хушунати маргбори шохаи Доъиш дар Афғонистон мувоҷеҳ шаванд, ки шиъиёнро муртад мехонад ва борҳо эълом карда, ки онҳоро ба қатл мерасонад.
Давлати Афғонистон ва бисёре аз коршиносон муътақиданд Эрон метавонад дубора ва хусусан ҳоло, ки Иёлоти Муттаҳида қасд дорад барои поён додан ба ҷанг бо Толибон нерӯҳояшро аз Афғонистон хориҷ кунад, ин афродро басиҷ кунад, то нуфузашро дар Афғонистон муҳкам кунад.
Бил Руҷию, сардабири “Маҷаллаи ҷанги тӯлонӣ”, вебсойте, ки ҷанги Омрикоро пӯшиш медиҳад, бо ҳушдор нисбат ба идомаи терур дар Афғонистон навишт: “Мунтазир бошед, ки Эрон гурӯҳи шибҳинизомиёни худро ҷое дар дохили Афғонистон бозсозӣ кунад. Эрон аз ин афрод, ки бар онҳо сармоягузории замонӣ ва молӣ ва маҳоратӣ карда, сарфи назар намекунад.”
Достони фақру хушунат
Ризо Қосимӣ, пажӯҳишгари Шабакаи таҳлилгарони Афғонистон, гурӯҳи мустақилли пажӯҳишии мустақар дар Кобул, мегӯяд бисёре аз онҳое, ки ба лашкари Фотимиюн пайвастанд, ба далели ноумедӣ ва фақр ва на вафодорӣ ба Эрон ин корро кардаанд. “Аввалин масъала ин аст, ки бисёре аз онҳо дар Афғонистон барои худ ояндае намебинанд.”
Бо ин вуҷуд, ҳуқуқи шибҳинизомиёне, ки таҳти раҳбарии Эрон дар Сурия меҷангидаанд, коҳиш пайдо кардааст ва бисёре мегӯянд Эрон ба хотири таҳримҳои Омрико дигар тавони иқтисодии гузаштаро барои таҷҳизи ин нерӯҳо надорад.
