Ҳуланд маъмурияти омӯзиши низомӣ дар Ироқро ба хотири «як таҳдиди амниятӣ» мутаваққиф кард. Олмон низ иқдоми мушобеҳе анҷом дода буд.
Хабаргузории давлатии «NOS»-и Ҳуланд чаҳоршанбе, 15-май /25-урдибиҳишт эълом кард, ки ин кишвар маъмурияти 50 хадамаи низомии худро дар Ироқ «то дастури баъдӣ» мутаваққиф кардааст.
Як сухангӯи Вазорати дифоъи Ҳуланд низ гуфтааст, ки маъмуриятҳои низомии ин кишвар омӯзиши нерӯҳои курди дар ҳоли мубориза бо «Давлати Исломӣ» (Доъиш) дар минтақа буд ва ба далели «як таҳдиди амниятӣ» мутаваққиф шуд.
Ӯ ҷузъиёти бештаре аз ин таҳдид ироа накард. Эъломияи таваққуфи омӯзиши низомии артиши Ҳуланд дар Ироқ муддати кӯтоҳе пас аз интишори як эъломияи мушобеҳ аз сӯи Олмон сурат гирифт.
Ба гузориши хабаргузории Осушиэйтид Прес, давлати Олмон чаҳоршанбеи 15 май / 25 урдибиҳишт эълом кард ба сабаби боло гирифтании танишҳо байни Эрону Омрико аротиши ин кишвар барномаи омӯзиши нерӯҳои ироқиро мутаваққиф мекунад, ҳарчанд бино ба гуфтаи Вазорати дифоъи Олмон, то кунун нишонае аз таҳдиди мушаххас алайҳи нерӯҳои низомии ин кишвар дар Ироқ мушоҳида нашудааст.
Иттилоъияи давлати Олмон соъате баъд аз судури иттилоъияи Сафорати Омрико дар Бағдод содир шуд. Сафорати Омрико эълом карда, ки ҳамаи коркунони ғайризарурии худ аз сафорати ин кишвар дар Бағдод ва кунсулгарии Омрико дар Арбилро аз Ироқ хориҷ мекунад.
Йенс Флосдурф, сухангӯи артиши Олмон, гуфт, ин кишвар ҳамсӯ бо Омрико амал мекунад. Сафоратҳои Омрико дар Лубнон ва Имороти Муттаҳидаи Арабӣ ва Ироқ, чаҳоршанбе ба шаҳрвандони ин кишвар ҳушдор доданд, ки танишҳо бо Эрон афзоиш ёфтааст.
