Саввумин намоишгоҳи китоби бидуни сонсур дар Урупо
Тури намоишгоҳи китоби бидуни сонсур, ҳамзамон бо намоишгоҳи китоби Теҳрон дар Ирон, аз торихи 4 май ба муддати як моҳ, дар шаҳрҳои мухталифи Урупо ва Омрико баргузор хоҳад шуд. Дар ин намоишгоҳ ноширони фосизабон китобҳои тозаи худро муъарифӣ мекунанд.
Ин дуввумин сол аст, ки аз интишороти “H&S Media” ва “Ақли Сурх” даъват мешавад, ки дар канори даҳҳо ношири форсизабони Урупо, намояндаи адабиёти муъосири тоҷикон бошанд. “Ақли Сурх” ва “H&S Media” танҳо интишоротианд, ки китобҳои нависандагони тоҷикро бо ду хатт, форсӣ ва сириллик, чоп мекунанд. Интишороти “H&S Media” бар асоси тақозои мухотаб китоб чоп мекунад ва аммо Ақли Сурх аз шеваи клоссики чопи китоб низ бархурдор аст. Дар Урупо бисёре аз ноширон бо шеваҳои мухталиф китоб чоп мекунанд ва аз ҳамаи имконҳои мавҷуд истифода мекунанд.
Саввумин намоишгоҳи китоби бидуни сонсур мизбони беш аз бист ношири мустақили форсизабон аст ва барнома дорад, ки дар солҳои оянда ноширони бештареро дар намояндагӣ аз адабиёти пешгоми Афғонистон ва Тоҷикистон даъват кунад.
Барои дидани голерии акси барномаҳои қаблии ин намоишгоҳ ба инҷо, ба сойти расмии ин намоишгоҳ муроҷеъа кунед.
