Рӯзи шанбе, 22 моҳи десомбр, дар шаҳри Амстердами Ҳуланд шаби фарҳанги Тоҷикистон баргузор хоҳад шуд. Ин барномаро созмони ғайридавлатии “Сомонӣ” тадорук дидааст ва аз теъдоде хонанда, навозанда ва адиби тоҷик даъват кардааст, ки ҳулландиҳоро бо ҳунар ва фаъолиятҳои адабии худ ошно кунанд.
Ноҳиди Зейналпур, виюланнавози маъруф, Ҷамила Абдуллоева, рақсанда, Шоираи Раҳимҷон, таронасаро, Соҳиб Назриев, хонанда, Олимҷон Солиев, хонанда ва оҳангсоз, Воҳид Холов, навозанда, ки аз чеҳраҳои шинохтаи Тоҷикистон маҳсуб мешаванд, дар ин маросим суханронӣ ва ҳунарнамоӣ хоҳанд кард.
Шаби фарҳангии Тоҷикистон дар Омстердом бо суханронии ифтитоҳии Эркин Раҳматуллозода, сафири фавқулъода ва мухтор ва намояндаи доимии Тоҷикистон дар Иттиҳодияи Урупо, оғоз хоҳад шуд ва сипас рӯнамоии китобҳои Шаҳзодаи Самарқандӣ, нависандаи тоҷики муқими Ҳуланд баргузор хоҳад шуд ва дар идома муди либосҳои миллии тоҷикӣ намоиш дода мешавад ва пас аз он саҳна дар ихтиёри ҳунармандони маъруфи тоҷик хоҳад буд, ки аз кишварҳои Русия ва Тоҷикистон вижаи ин маросим ба Ҳулланд даъват шудаанд.
Гардонандагии маҳфили шаби фарҳанги Тоҷикистон дар Ҳулландро Шоъираи Раҳимҷон, таронасарои шинохтаи тоҷик бар уҳда хоҳад дошт, ки беш аз 300 тарона барои хонандаҳои мухталифи тоҷикро навиштааст,.
Ин маҳфил ҳамзамон бо шаби Ялдо баргузор мешавад ва бархе аз русуми куҳани шаби Ялдоро низ қарор аст анҷом шавад ва созмондиҳандагони ин маросим дар лобалои барномаҳо фоли Ҳофиз гирифта хоҳад гирифт ва шеъру достонхонӣ хоҳанд кард.
Ин базм аз соъати 18:00 то 23:00-и шаб, дар толори “No Limit” дар шаҳри Амстердам, багузор хоҳад шуд, ки аз муътабартарин амокини ин шаҳр ба шумор меояд.
Address:
Geldershoofd 80
1103BG Amsterdam
Locatie: NOLimit
Gratis parkeren
Datum: 22 desember 2018
Tijd: 18:00 tot 23:00
