“Ню Юрк Тоймз”, расонаи маъруфи омрикоӣ, дарбораи ҳамлаи теруристӣ ба гардишгарони хориҷӣ, ки 29-и июли соли 2018 дар Тоҷикистон рух дод, филми мустанаде сохтааст. Гузоришҳо ҳокист, ки чанд тан аз атбоъи Тоҷикистон дар ин ҳамла даст доштанд ва ин ҳамла ба раҳбарии Ҳусайн Абдусамадов тарроҳӣ ва анҷом шудааст.
Онҳо гурӯҳи ҳафтнафарае аз дучархасаворони хориҷиро, ки дар масири Кӯлоб ба Душанбе ҳаракат мекарданд, дар ноҳияи Данғара, дар ҷанубиТоҷикистон, мавриди ҳамла қарор додаанд. Муҳоҷимон пас аз зери худрав гирифтани дучархасаворон аз худрав пиёда шуда ва бо кордутабар низ ба маҷрӯҳон ҳамла кардаанд, то мутмаин шаванд, ки онҳо ҷон ба саломат набаранд.
Дар ин ҳамла се дучархасавори хориҷӣ дар маҳалли ҳодиса кушта шуда ва нафари чаҳорум дар бемористон ҷон дод. Се нафари дигар захмӣ шуданд.
Гардишгарони дучархасавор шаҳрвандони Ҳуланд, Омрико ва Суис буданд, аммо филми мустанади “Ню Юрк Тоймз” фақат достони ду шаҳрванди омрикоиро пайгирӣ карда, ки ҷуфту ҷавон буда ва орзу доштанд даври ҷаҳонро бо дучарха бипаймоянд.
Дар ҷараёни таҳқиқ, гурӯҳи филмбардорӣ муваффақ шудааст бо Ҳусайн Абдусамадов, раҳбари муҳоҷимон, дар зиндон гуфтугӯ кунад ва аз ҷузъиёти ин ҳамла, аз ҷумла шеваҳои сарбозгирӣ ёроҳҳои истихдом ба артиши Доъиш, низ иттлоъоте ба даст оварад.
Муҳоҷимоне, ки дар ҳамла ба гардишгарони хориҷӣ даст доштанд, иртиботи мустақими худ бо гурӯҳи Доъишро таъйид кардаанд. Аз ҷумла Ҳусайн Абдусамадов ба хабарнигорони “Ню Юрк Тоймз”гуфта, ки аз кирдори худ пушаймон нест. Амале, кичеҳра ва фазои амни Тоҷикистон барои гардишгаронро махдуш кард ва ҷилави сафари ҳазорон гардишгари дигари хориҷӣ ба ин кишварро гирифт.
Тоҷикистон кишваре кӯҳистонӣ ва аз фақиртарин кишварҳои ҷаҳон аст, ки ба сармояи ворида аз сафари гардишгарони хориҷӣ ниёз дорад. Гуфта мешавад, сафари ҳар гардишгари хориҷӣ метавонад ҳазинаҳои зиндагии дастикам як хонаводаи маҳаллиро таъмин кунад.
Тасовир аз видиеои эъломияи филм дар сойти Ню Юрк Таймз:
