Қочоқи силоҳ ва маводи мухаддир манотиқи марзии Тоҷикистон ва Афғонистонро ноамн ва осебпазир карда. Барои муқобила бо қочоқчиён пустҳои марзии ҷадид дар марзи Бадахшони Афғонистон барпо шудааст.
Мақомоти интизомии Тоҷикистон аз эҷоди пустҳои марзии ҷадид дар устони Бадахшони ин кишвари ҳамҷавор бо вилояти Бадахшони Афғонистон ба манзури ҷилавгирӣ аз вуруди силоҳ ва қочоқи маводи мухаддир хабар доданд.
Ба гузориши радиои тоҷикии Садои Хуросон, вобаста ба давлати Ҷумҳурии Исломӣ, мақомоти интизомии Тоҷикистон аз эҷоди 22 пусти ҷадиди марзӣ дар навоҳии мухталифи устони Бадахшони ин кишвари ҳаммарз бо Афғонистон хабар додаанд.
Бино ба ин гузориш, далели аслии эҷоди пустҳои ҷадиди марзии Тоҷикистон бо вилояти Бадахшони Афғонистон тақвияти манотиқе марзӣ аст. Ин манотиқ аз назари қочоқи силоҳ ва маводи мухаддир осебпазир ҳастанд.
Ба ин тартиб, пустҳои ҷадиди марказӣ дар маҳдудаи навоҳии Рушон, Шуғнон, Ишкошим ва шаҳри Хоруғ эҷод ва мавриди баҳрабардорӣ қарор гирифтанд.
Пустҳои марзии ҷадид дар ҳоле дар марз бо Бадахшони Афғонистон эҷод мешаванд, ки пеш аз ин мақомоти тоҷик аз анбори миқдори зиёде силоҳ дар марз бо ин кишвар хабар дода буданд.
Тоҷикистон бо Афғонистон як ҳазору 400 килуметр марзи муштарак дорад ва бино ба гуфтаи мақомоти тоҷик аз назари амниятӣ ва таҳдиди гурӯҳҳои қочоқчӣ ва ифротӣ осебпазир аст.
Тибқи омори мақомоти марзии Тоҷикистон дар нуҳ моҳи соли гузашта
дар марз бо Афғонистон 20 даргирии мусаллаҳона сурат гирифта, ки дар пайи он 11 қочоқчӣ кушта ва як ҳазору сесад килуграмм маводи мухаддир мусодира шудааст.
